منتدى تايجر

( وقل ربى زدنى علما )
 
الرئيسيةSpoiler:اليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 انا طبخت رز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MARWA_A72
نائبة المدير
نائبة المدير
avatar

عدد الرسائل : 2050
العمر : 34
تاريخ التسجيل : 14/12/2007

مُساهمةموضوع: انا طبخت رز   الإثنين يناير 07, 2008 9:05 pm







أيون.. أقر أنا المذكور أعلاه.. الساكن في العنوان اياه (حدايق المعادي) بأنني بحمد الله وتوفيقه وكرمه ثم بدعاء الوالدين ثم بالفلوس اللي فضلت معايا.. طبخت رز بنفسي.. وعلى المتضرر اللجوء لصاحب العمارة!!!

أكيد اللي عارفني قاعد يبص على الاسم كام مرة ويتأكد.. أيوه يا عم أنا.. واللي مش عارفني بيقول وإيه يعني لمّا يطبخ رز؟؟

أصل العبد لله اللي هو أنا ممنوع عني حاجتين: السجاير عشان حق ربنا.. والطبيخ عشان حق الجار!!

قاعد لوحدي في شقتي (3 أوض وصالة وحمام ومطبخ وشِرحة وبِرحة ويرمح فيها الخيل).. وزهقت بقى كل يوم أجيب أكل ديليفري (اصل أنا طول عمري كريم واللي ف جيبي مش ليّ).. قلت أغيّر بقى وأطبخ رز وخلاص.. واللي يحصل يحصل.. وعشان تعرفوا ليه أنا حاسس إني عملت "إنجاز" لما طبخت رز.. هاقول لكم أول مرة لما حبيت أطبخ..

كنت رايح اتغدى في شقتي القديمة.. وقدامي خيرات ربنا بقى.. والحاجات كلها أنا طابخها بإيدي طبعا.. اللانشون والجبنة الرومي والعسل والمربى.. كل ده أنا طابخه بإيدي يعني.. هو إيه الطبخ غير إني أحط الحاجات في أطباق؟؟

المهم.. قلت لنفسي يلاّ نعمل مغامرة ونطبخ بيض.. نعم؟؟؟ بيض؟؟؟؟ أيوه يا عم بيض.. أنتم فاكرين البيض سهل.. أنتم مثقفين؟؟؟ أنتم مش مثقفين..وقلت كمان هاعمله مقلي.. أيوه.. ثقة بقى.. مش أنا اللي أحط البيض في الميّة يطلع مسلوق!! لازم النفََس في الطبيخ!!

جبت طبق وحطيته على البوتجاز وفضلت أخبط في البيضة إنها تتكسر.. أبدا.. لغاية ما رزعتها في البوتجاز ونفس الحالة مع البيضة التانية.. حطيت البيض في الطبق اللي ع البوتجاز.

شوية بقى "خير اللهم اجعله خير" لقيت فيه دخان كتير.. قلت يا واد يا "أشرف" ينفع كده؟؟ تنسى الزيت؟؟ لازم تحط زيت.. جبت إزازة الزيت وحطيت شوية.. بس برضه لقيت فيه دخان كتير..قلت يا واد يا "أشرف" ينفع كده؟؟ فيه بيض من غير ملح؟؟ أكيد ناقص ملح.. جبت كيس الملح وحطيت ملح.. بس برضه الدخان بيكتر.. قلت أكيد لازم يتحط زيت أكتر.. مسكت إزازة الزيت تاني وحطيت زيت كتير.. والدخان بيزيد.. يادي النيلة!!! مسكت كيس الملح أحط تاني.. ومش عارف إيه دخّل الملح في الدخان..

المهم فضلت أحط زيت وملح.. ملح وزيت.. والبيض لسة ما اتقلاش.. والدخان انتشر في المطبخ والشقة والعمارة والشارع..

سبت اللي يحصل يحصل وعملت وقفة مع نفسي من اللي هي كده وقلت ثواني بقى.. أنا كده خلصت نص إزازة الزيت ونص كيس الملح على بيضتين ولسه ماتقلوش.. صلاة النبي.. دا انا أجيب نص كيلو لحمة أوفر!!

شوية بقى ولقيت جارتنا اللي فوق بتنده ع اللي تحت.. يا "أم سيد" الدخان ده طالع منين؟؟؟ ترد "أم السيد": يمكن من عند "أم حمادة".. يا "أم حمادة".. الدخان ده منين؟؟ وانتشرت الدعوة من شقة لشقة وطبعا أخرتها قفلت البوتجاز وفضلت أبص للجريمة اللي أنا عاملها ومش فاهم حاجة..

بس الحمد لله اكتشفت الحل في الآخر.. وكويس إن الغلطة مش غلطتي يعني..

مش قبل ما يقولوا لنا نقلي البيض إزاي.. يقولوا إن الأطباق البلاستيك ما بيتقليش فيها!!!!!

منقوووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ah_el6378
نائب المدير
نائب المدير
avatar

عدد الرسائل : 728
العمر : 34
تاريخ التسجيل : 15/02/2007

مُساهمةموضوع: رد: انا طبخت رز   الثلاثاء يناير 08, 2008 2:11 am

هههههههههههههههههههههههههههههههه موضوع جميل وشكرا لمجهودك معانا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MARWA_A72
نائبة المدير
نائبة المدير
avatar

عدد الرسائل : 2050
العمر : 34
تاريخ التسجيل : 14/12/2007

مُساهمةموضوع: رد: انا طبخت رز   الثلاثاء يناير 08, 2008 1:48 pm

شكرااااااااا لمروك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صاحب المكان
Admin
avatar

عدد الرسائل : 991
العمر : 37
تاريخ التسجيل : 09/02/2007

مُساهمةموضوع: رد: انا طبخت رز   الأربعاء يناير 09, 2008 12:37 pm

هو دا اعلان ولا ايه على العموم شكرا لمرورك

_________________
شكرا على كل شى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tiger.bestgoo.com
MARWA_A72
نائبة المدير
نائبة المدير
avatar

عدد الرسائل : 2050
العمر : 34
تاريخ التسجيل : 14/12/2007

مُساهمةموضوع: رد: انا طبخت رز   الأربعاء يناير 09, 2008 10:04 pm

لا مش اعلان وعموما شكرا لمرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انا طبخت رز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى تايجر :: قسم الموبيلات والصيانه :: البدروم-
انتقل الى: